別 3 May 2013 | 08:09 am

如果命運是一條路軌，生活就是一節車卡，我們都只是其中一名乘客。 從第一卡的軟卧走到第七卡的餐卡，在車廂內走了很近的一段路，其實在路軌上已經走了很遠。 又從第七卡的餐卡走回第一卡的軟卧，以為回到了休息的地方，其實在路軌上已經走了很遠。 在時間線上的生活就是這樣一回事，但生活也應該不只一條路軌。 這日在車廂內看沈從文的《邊城》，想到如果人生有機會，是否可考慮在不同的車站轉乘其他列車，在另一條路...

咁又一年 24 Dec 2012 | 08:05 am

無驚無險，無風無浪咁又過咗一年。善哉、善哉。

末日咗未 21 Dec 2012 | 06:07 pm

聽講話今日會世界末日，我就唔信啦。 反而趁得閒去太空館行咗個圈，增進吓啲太空天文常識。 宇宙浩瀚箇中奧秘真係超乎人類想像，要預測幾時世界末日你估真係你話係就係咩。 咁本事就預測下期六合彩先講啦。 但係偏偏就有唔小神棍食住「預言」呢條水搵食。 之但係又總會有人信，你話幾咁無謂、無聊、無辜。 做人都係樂觀啲好，成日掛住世界末日，就真係日日都係世界末日啦。

亂世 6 Dec 2012 | 06:00 pm

曾經三六 3 Dec 2012 | 05:58 pm

句號。 

曾經三五 2 Dec 2012 | 08:13 am

今年夏天荷花照片到咗呢張應該差不多尾聲。最近天寒地凍睇番呢輯相，真係感覺良好，別有一番暖意。

曾經三四 1 Dec 2012 | 06:15 pm

轉眼已經十二月，然後好快又過年。之後好快又到夏天，然後又去影荷花。 到時再睇番今年呢啲荷花相，有一種重逢感覺，應該會幾開心。 快樂其實係一種記憶的儲蓄，就係咁簡單。

曾經三三 29 Nov 2012 | 07:15 pm

一個人如果唔識處理孤獨，就唔會識得處理人際關係。 不管你信不信，反正我信了。 好耐之前盧雲神父有本書《始於寧謐處》講點樣處理自我存在的問題，講得好有觀點，雖然後來本書送咗比人，盧雲神父亦過咗身，不過佢留低的教導，就歷久彌新。本書係「基道出版社」出版，唔知而家仲有無得買。 盧雲神父過身之前，基道幫佢出咗本《黎明路上》係講另類價值觀問題，當年我幫呢本書做封面設計，轉眼十幾年。 呢張相攝於今年初...

曾經三二 28 Nov 2012 | 06:04 pm

習慣就係習慣，無得講，亦無得改。 只要唔影響其他人，習慣應該無好壞之分。 影咗幾個月荷花，最後揀咗36張，為呢個夏天留個紀念。 點解夏天要影荷花，純粹係習慣，無得講。 點解要揀36張，因為一筒菲林係36張，鍾意嗰種一張相辦36張的感覺，無得講。 但係習慣可以由冇變有，又由有變冇。 都係無得講。

曾經三一 27 Nov 2012 | 05:57 pm

呢張相送比我太太。