Thottarayaswamy - thottarayaswamy.net - விடங்கன்

General Information:

பூக்களில்லா தேசத்தில் பட்டாம்பூச்சிகளுக்கென்ன பாதபூசை நீயில்லாதேசத்தில் என் நுரையிரலுக்கென்ன தினம் வேலை.

காத்திருந்து காத்திருந்து மரமாகிப் போனேன் என்றாவது நிழலில் அமர்வாய் நீ என்று அப்போது மறவாமல் பூமழை பொழிவேன் உன்மேல் மரமாகிய நான்.

உன் சினுங்கள்கள் என்ன சிம்பொனியா! என்னை இப்படி சுகமாய் இசைத்தெடுகின்றது.

உன் சாயலில் சராசரியானவற்றை கண்டால் கூட சாமான்யனாக பரபரப்பை அடைந்துவிடுகிறேன் நீயாகிவிடுவாயோ என்றென்னி நான்

வானவில்களின் வட்டமேசை மாநாட்டில் முடிவெடுக்கப்பட்டது உன் நிறத்தையும் சேர்த்துக்கொள்ள எட்டாம் நிறமாக.

நேசிக்க கற்றுத்தந்தவள் நீ என்பதால் உனை மட்டுமே சுவாசித்துகொண்டிருப்பேன் என்று நினைத்துவிடாதே எனக்கு சுவாசிக்க கற்றுத்தந்தவளே தாய்தான்.

சூடி நீ எறிந்ததில் உன் கூந்தல் வாசம். நான் உன்னை நேசிக்க ஆரம்பித்தபிறகு பூவினில்.

கோயிலில் நீ! கோபுரங்கள் குனிந்து பார்க்கும் அதிசியத்தை அறிவித்துவிடும் ஆசையை அடக்கி நான் மட்டும் அதனோடு உனை ரசித்தேன்.

எவ்வளவு விதமான வெட்கங்களை வெட்கப்படாமல் வீசியெறிகின்றாய் என்மேல்.. இவ்வளவும் எனை வெட்கப்படுத்தி வேடிக்கை பார்க்கவா? வெட்கமேயானவளே!

இப்பொழுது வருவதாய் சொன்ன அப்பொழுதிருந்தே இப்பொழுதுக்காக காத்திருக்கின்றேன்.. ஆமாம்! நான் காதலிக்கின்றேனா? காத்திருக்கின்றேனா?